MAFISADI CCM watorosha sukari.

SUKARI ya kifisadi zaidi ya tani 50 iliyofichuliwa na kada wa chama cha Demokrasia na maendeleo (Chadema) mkoani Iringa Thomas Nyimbo (Pichani) mbele ya mwenyekiti wa Taifa wa Chadema Freeman Mbowe mjini Makambako wilaya ya Njombe wakati wa mikutano ya Chadema mikoa ya nyanda za juu kusini imeyeyuka.

Akizungumza na mwandishi wa habari hizi kwa njia ya siku Nyimbo alisema kuwa sukari hiyo ambayo ilifichwa mjini Makambako na mmoja kati ya vigogo wa CCM kwa ajili ya kuiuza kwa magendo waliitorosha siku ya pili baada ya mkutano mkubwa wa Chadema mjini Makambako .

Alisema kuwa sukari hiyo ilikuwa imehifadhiwa katika maghara ya kuhifadhia mbolea ya serikali mjini Makambako na kumtaja mmiliki wa maghala hayo (jina limehifadhiwa ) kuwa ndiye anayejihusisha na mtandao wa kifisadi kupitia kigogo huyo wa CCM ngazi za juu.

Hata hivyo Nyimbo alisema kuwa kazi ya kuhamisha sukari hiyo imefanywa kwa siri kubwa na kuwa suala hilo kwa viongozi wa mji wa Makambako pamoja na jeshi la polisi makambako linafahamu vizuri suala hilo la sukari hiyo na mmiliki wake .

Nyimbo alisema kuwa sukari hiyo iliondolewa kwa siri chini ya ulinzi mkali wa jeshi la polisi Makambako japo hadi sasa suala hilo limeendelea kubaki siri na hakuna hatua zozote zilizochukulwa. (Imeandikwa na Francis Godwin kutoka Iringa)